-Ciapl' in man !--------------

Quand, na qual volta, t' gh'è 'l nervos ch' at bat
quand, na qual volta, t' gh'è on contrat malfat
quand, par disgrasia, t' gh'è malà 'l putin
e t'an sè cosa faragh, poarin;
o quand a t' fè barufa con la sposa
parchè l'è mesa mata, l'è gelosa,
insoma, quand t' a t' cati malcontent
e t' crid, ta sbrai con la bava ai dent
ti ciapa in man la "Musa con li fransi"
lesn' on tochel e ridi fin ch' a t' piansi

--Al caporal Cius in licenza (sonet)

Potiamo?.con permezzo?possio entrare?
l' è lu ch'à 'l ciama, lu ch'a 'l picia in l' us,
che in managgia 'l biastema militare,
che in casa 'n gh'è nisun, l'ha vist pr'al bus

Ma indove sonto andatesi a ficcare
tutte le mie persone? Almen, dis Cius,
fudesseci la chiave per verzare!
e 'l pista i pe par tera, intant e 'l rus.

Lellio sarranno certo nel polliero,
maledette le chiocche e i polechini!
Lullio alla stalla, oppure sul palliero

par tore del faleto agli bovini,
i fratelli a giustare il letamero...
Bel modo d'aspetare i suoi affini !...

Nas ordinari, oc bianc, cavei castagn,
orece e boca medie, schena a archet,
con sinch o siè centimetri d'calcagn;
son alt on metr' e mes e fagh al pret:
eco, letor, la me fotografia:
tegnala, s' la' t pias o si no butla via.

----------I scariolant (sonet)--------

Quatar fete d' polenta, e par pietansa,
al fum e na sigola par contoran;
e godat dop, sa t' pÖ, trionfa pansa
e pinta in la cariÖla tut' al gioran...

Polenta! on bon magnar ch' a dà sostansa
con do scudele d'acqua in fin mesgioran,
e ai fanegot la carn' e 'l vin al gh' vansa,
e 'l pan i gh' al fa aposta in sa 'l mesgioran

l' ha bel e fnì. Chi gh' pianta na fumada,
chi in presia tÖs la cica, parchè 'l sbraia
al caporal, che l'ora l'è pasada.

Fa cald! On qualchidun scav' in pataia,
però nisun a rid, nisun a gh' bada,
e tuti acsì pian, pian i sa scoraia!